ჩემს შესახებ

ჩემი კარიერული გზა მარტივი ნამდვილად არ გამოდგა. როგორც თქვენი უმრავლესობა, სკოლის დასრულების შემდეგ მეც მაქეზებდნენ ამერჩია იმ დროისთვის “მოთხოვნადი პროეფესია”, თუმცა მალევე გავიაზრე, რომ ახლობლების დაკვეთით შერჩეულ სფეროს გულს ვერ დავუდებდი. 
3 უნივერსიტეტის შეცვლის შემდეგ გადავწყვიტე სარისკო ნაბიჯი გადამედგა, 180 გრადუსით შევცვალე მიმართულება და 25 წლის ასაკში ნიდერლანდებში ორგანიზაციული ფსიქოლოგიის სასწავლებლად გავემგზავრე. გადაწყვეტილებამ, რომელიც პირველად, საკუთარ სურვილებზე დაყრდნობით მივიღე, მალევე სრულად შეცვალა ჩემი ცხოვრება და ღირებულებების შესაბამის პროფესიულ გზაზე დამაყენა.

თავიდანვე ვიცოდი, რომ ჩემი საქმე ადამინებთან უნდა ყოფილიყო კავშირში, ტალანტების მართვის მიმართულებით მრავალწლიანი მუშაობის შემდეგ გადავწყვიტე ICF - საერთაშორისო ქოუჩნგის ფედერაციის სერტიფიკატი მიმეღო და დამეწყო ინდივიდუალური მუშაობა მათთან, ვინც ჩემს მსგავსად პროფესიულ გზაგასაყარზე დგას. 

დღეისათვის ქოუჩის ამპლუაში ვმუშაობ როგორც ინდივიდებთან, ისე ორგანიზაცეიბთან, ინდივიდუალური თუ ჯგუფური შეხვედრების ფარგლებში. ახალგაზრდებს ქოუჩინგის სესიებს ხშირად ბარტერული პირობებითაც ვთავაზობ, რათა მაქსიმალურად ვუზრუნველყო ქოუჩნგის ხელმისაწვდომობა ყველასთვის!
თუ გსურს შეიტყო მეტი ჩემს სერვისებზე, ან მხარი დაუჭირო სოციალურ მიზნებს, დამიკავშირდი.